[特稿]
本報記者採訪著名編劇、奪命鉸剪腳「王局長」黃炳耀( 1946-1991 ) 先生。黃先生指，「宜家個世界咁荒謬，仲邊度有可能寫到喜劇喎。」
記者稱每逢周六、日都會看到黃先生的作品，而最欣賞的就是《咖喱辣椒》、《逃學威龍》、《賭俠II上海灘賭聖》、《逃學英雄傳》。記者大讚黃炳耀先生的劇作，但黃先生謙稱：「講到作故仔，香港大把人材，若元兄就數一數二啦，啲故仔講到栩栩如生，佢就真係人材啦。」
黃炳耀認為：「喜劇就係要荒謬嘛，當年同向華勝度《逃學威龍》橋，就係將大家熟悉的事、或是有印象的事誇大、扭曲嘛。當時大家都有睇過摔角，幾乎人人都睇過君子馬蘭奴對迷魂鎖李雲，『毒蛇鑽』、『倒頭樁』、『迷魂鎖』呢啲術語街知巷聞，如果錯置落個警司度，咪係扭曲囉，咁咪搞笑。」
記者告訴黃炳耀近日有警察在大埔對女孩施以鉸剪腳，黃大怒：「痴線架，拍戲就話攞黎搞笑唧，真係想夾爆人個頭咩。一啲都唔好笑。對個小妹妹點解要用暴力，個小妹妺用刀捅你咩？差佬因咩事要濫用暴力喎。我係無笑錯佢地架，差佬就係咁蠢。所以我先設計『膊頭有花同我入曬黎』的中史測驗出貓一幕。你地響現實見到，就應該投訴呢啲警察、唔好再信任佢地。」
對於陽間梁振英聲稱要加強與市民溝通，黃炳耀則稱：「我話知你溝又好、通又好啦。總之你要令到啲百姓生活安定啦。宜家佢成日都唔知做緊乜。係咪渣流攤呀？不過政客不嬲都係咁，當初好聲好氣都係為氹人入局即。」