[隔陰陽有耳]
新欄目，當然係有新主持。我就係天生一副硬骨頭。我係陰間墳主黨的Square Lau，大家都知道我一直是其是、非其非，多謝《墳場》畀我重入報界。我希望經今次合作，一齊為大家做啲事，好唔好呀？
今朝我去見地下黨的毛鈞年(1937-2013)，問下佢對近日政改方案的意見，佢話唔同我講咁多啦，因為佢覺得食硬啲湯渣，而且實會有人逢機必檢，再加埋有好多功能組別議員係會支持陽間的鬼國黨派的，所以實會過到。今次陽間民主黨怕且都唔駛投票支持政改方案啦。不過都唔知應唔應該恭喜佢地好，明明AV仁同田大少格劍為盟，正式加入建制，但係又唔投票支持政改，我真係覺得好離譜囉。啲市民唔係咁諗架。
不過無論點都好，我諗到條好橋畀Emily，就係一通過左個政改方案，你就記得喊，喊左啲市民就會扣政府200分，庫老師話架，咁你下次選就有機會啦，記住喊呀，唔係你硬骨頭都無用，等退休啦。
我係邊個呀？我係劉四方！我係不會畀任何人恐嚇得到架，我只會畀人收買到，放馬過黎啦。
(劉四方)
[編按：Square姐將相登唔到，得啲影，所以編採部搵將陽間睇到的頂住先]