[本報訊]
「家居博士」曾近榮（1927-2011）接受本報訪問，強調常見家居化學品的使用安全守則。他笑言：「唔止做化學實驗要記性，要家居安全，用化學品更加要有記性。」
記者問曾sir家中除了哥士的之外，還有甚麼常見的化學品，曾sir指，「除左清理污跡的哥士的，屋企仲會有漂白劑、通渠水、酒精、WD40、殺蟲劑之類，我相信聽眾屋企實會有一啲，但係你地用的時候就要小心，用完貯存都要留神。」
「去除頑固污迹可以用哥士的，但係記得哥士的加落去水度，唔係水撞哥士的，如果用水撞入哥士的，就有機會過熱，或者令啲腐蝕液體濺出。」曾sir指，須緊記哥士的會腐蝕鋁窗，不要用來抹鋁窗的污迹。清潔鋁窗，其實直接以軟身抹布清水抹拭則可。
「學無止境，如果有不識的東西，唔好怕問人就會識，學多啲就無咁蠢。」記者打趣問，家中的化學品會不會有爆炸危機，曾sir指：「屋企啲酒精如果同氧化劑接觸，即係同漂白劑溝埋就會有火警同爆炸危險呀，唔好試。仲有，千祈唔好亂將清潔劑溝漂白水，響屋企收聽緊節目的聽眾要記住啦。」
曾sir話鋒一轉：「我從來都唔響節目入面幫自己天悅果間舖頭賣廣告的。雖然《墳場新聞》同《墳場新聞II》都好好睇，而且響間間書店都有得賣，但係唔使成日自己賣廣告的，如果你啲讀者錫你，又中意你的產品，佢地幫你賣廣告，大家告訴大家，咁樣仲有口碑。」
