[本報訊]
岳王廟外，傳來一絲微弱的呼冤聲。秦檜妻王氏( 生卒年不詳) 向本報記者表示，其夫只是金國南侵駐宋室的非執行董事，不應被罰。
「做人一定要係自己清清白白、乾乾淨淨，任何謠言都唔怕，假如大家覺得有邊個有利益衝突，我只有奉獻、只有貢獻。」王氏否認自己和夫君秦檜有收受金國利益出賣宋人。「金人係有畀五千萬兩秦檜，但係佢收錢無做過野喎。」
有指秦檜阻撓岳飛北伐，王氏指「佢係根本冇可能知道邊一度打邊一度。朱仙鎮響邊，我老公未必知。唔關佢事，佢響宋朝只係負責出糧，阻撓岳飛的係上表的万俟卨。」
對於韓世忠追問秦檜岳飛罪狀，秦檜回應「莫須有」，王氏為其夫辯護：「有時一啲重要事件係要查清先公佈，因為我哋知少少就即刻彈出嚟，假如嗰件事唔係事實咁點呢？例如經常我哋收到好多投訴信同匿名信，假如我乜都出嚟講一餐，會唔會好容易引起公眾恐慌呢？」
王氏補充：「我同我夫君都係清白，無害過宋人，你地要用油鍋炸我，係好傷我心。」
