墳場新聞

[本報訊]

原名鄺健廉的粵劇名伶紅線女(1924-2013)一邊吊嗓子，一邊步入本報採訪室。

紅線女向記者指：「今日來是叫我向大家呼籲戒煙的對罷。我生前勸過鄧小平同志戒煙，他改食了一種煙草較少的煙。對藝人、尤其是唱歌藝人，食煙對聲帶唔好，真係不如早啲戒甩佢。」

紅線女分享自己在廣州的觀察：「事實上我都唔明食煙有咩好。果時見人食良友、食到又黃又臭，成憑『囉味』，成個人囉曬咁，咩良友、良友丫，我話係損友至啱呀，人地見你咁臭都唔同你做朋友啦，唔好，呢個名都夠曬低裝。食煙真係唔好。」

紅線女又稱：「食煙又未衰到好似吸毒咁，係食到個人臭，但未至於食到個人傻。但始終唔好嘛，睇新聞紙話，一枝煙頭唔熄，成個八仙嶺都燒得曬呀。食煙真係唔好架。對身體唔好、對環境唔好。」

「先唔好講話吸煙係變相資助煙商，請貪官搭郵航過澳門大吃大喝；當年鄧小平在開會時吸煙，我在字條上寫『請小平同志不要吸烟』，小平同志就立即弄熄煙頭，事後更著手戒煙，聽我講、對自己好、唔使成身『囉味』，咩良友、卡碧，扔左佢，唔好再食。有心唔會話遲的。」紅線女如是向陽間煙民勸戒，希望更多人可以戒煙。