七月鬼故事:新白兔會

青永屍踏月夜上照鏡環山吸引天地靈氣,忽然,有三隻白兔在青先生面前駐足。

 

青想:「這兒有兔舍嗎?」

 

忽然間白兔依偎化氣白霧,在山間乘月光變化。一個穿著古怪的公子忽然在青先生身後出現。青先生當然轉身問:「何方遊魂,快把冤情訴上。」

公子作揖躬身,青先生回敬後,聽到:「我乃周文王嫡長子伯邑考。」

「失敬失敬。」青先生暗拈銅錢,正欲施法結界,以免邪靈奪舍,始終七月山墳,多有妖孽。伯邑考說明自己並無惡意,只求教授先生護身之法。他耍了兩三下功夫之後,就逐點提醒青先生箇中竅門。他更提點:「近日惡霸橫行,難免要有幾招傍身。」

 

青永屍學畢幾招,又見伯邑考並無惡意,就向伯邑考直接提出自己讀史時的疑惑。

 

「公子,你明知殷人兵斧迎候,為何還要入殷受死?最後你仲慘被剁成肉餅,唉,真係聞者傷心。」青永屍講的時候還一面尷尬,始終這些問題好像當面相問,難於啟齒。

「係,我知會死,但係我一個人死可以為爸爸同周國爭取到時間,我願意咁死。所以紂王屈辱我要我做佢車伕我都肯。」伯邑考謙謙有禮,可見周文王確是聖人教化。但青永屍追問:「入殷點解唔用盡方法,救返爸爸走,寧為玉碎不作瓦全!」

伯邑考面帶微笑:「先生有所不知,小邑周未有實力,亂咁還手只會畀紂借口出兵周國,到時就亡國滅種,回天無望。但係我的死不會白費,二弟阿發,即係你地所知的周武王,同弟弟阿旦,即係你地知的周公,幫我復仇出兵,消滅殷商。爸爸的大願得成,國家又可以在太平之中重整秩序。」

 

「後世人以為爸爸唔係聖人,爸爸一早算到眼前肉餅就係佢的不肖子,我伯邑考。但係如果唔食就連復仇的機會都無。」月光吹開伯邑考身上的衣衫,伯邑考重新化開為三隻白兔,兔子回頭向青先生說:「刀光劍影,一切小心,忠臣義士,千古良心。」