[本報訊]
「我地對付罪案，就一啲都無鬆懈，亦都會加強，以後我地都會採用呢啲方法。」警務處長李君夏（1937-2017）再度接受本報訪問，並向本報記者如是表示。「有咩我地未見過。唔使怕的。啲案如果你調查過，就自己落場睇清楚同指揮，『御駕親征』係早啲解決問題的方法。你地自己諗下。」
對於姓盧警務處長一直龜縮，李君夏直指：「90年代匪徒用AK47、手榴彈犯案，我都同同事共同進退，但因何夷家只係對住一啲對警察有意見的市民，處長反而要龜縮？行政問題係我地上級要做的事，唔係前線警員要捱的苦。」
但李君夏話鋒一轉：「譬喻係九龍騷亂（編按：1984年彌敦道一帶的騷亂）啲暴徒搶掠商店，咁當然係犯刑事行為的歹徒，警方就要全力打擊。普通示威，就唔應該動刀動槍，呢個係警隊形象的問題，亦都係名聲的問題。夷家警隊將自己放響同市民對立的一面，我夠膽講，就算見到處長的坐駕同警員巡邏，警員亦都唔會有士氣。警隊應該要遵守政治中立，唔好敵視市民，而且要嚴守紀律，咁先有機會重獲市民對警隊的信心。」對於警察恫嚇醫務人員而獲取示威者資訊，李君夏沒有回應，只輕輕講了句「爛仔」然後離開。
