[本報訊]
火柴聲響，煙槍點亮，十九世代的香港奇女子、鴉片販子吳亞嬌（約1820-不早於1880）應本報邀請接受訪問。
「無理由係咪都拆。呢挺人乜都拆乜都丟，就係敗家賤格。」吳亞嬌直接評論香港政府對閣麟街的保育方案。「拆就乜都無，唔拆仲有啲古老嘢留得響度。一個地方無古老嘢唔得掛。唔係講處處有歷史就唔畀拆，係你拆埋呢啲就無歷史。」
吳亞嬌說：「鬼頭先無咁笨。佢地知呢啲寶。你攞枝槍指住佢地都唔拆。係家陣啲人無念舊，唔知時月艱難。」吳亞嬌並非尋常婦女，在世時並非恪守愚昧婦節，反而主動關照其他寡婦妓女，義氣非凡。她指：「果時景物當然與今時唔同。但係你要知要見要識呢個城市點來，有咩來歷，就唔能夠乜都拆。聽你地講家陣人祠堂拆祖宗都拆，你丟到咁，邊會有好家庭。咁你乜都無，無個錢又無舊物，點能夠話呢庶係你架。」
保留閣麟街，是吳亞嬌的想法：「唔係無地你住、唔係無屋你住。你又唔係無法整返好幢樓，好地地做咩拆。你地呢挺人唔識歷史、唔想知舊時，更加唔想做好事，到未來，人地都一定淨係記得你地做壞事的名字。」言罷隨煙飛昇。
