[ 西方極樂突發組 ]
主持熙寧變法的參知政事呂惠卿（1032-1111）批評《墳場新聞》員工刻薄寡恩。
乘七月鬼門大開之便，在地獄服刑的呂惠卿獲准暫到陽間；呂惠卿特意帶同自己的奴僕小鬼迫往總編輯辦公室，恐嚇總編輯。
一身酒氣、披頭散髮的他指：「收皮啦，你廿三歲時做緊咩？廿三歲，你還在校園，我呂惠卿中進士了。而且我經歷五次政治高潮，你呢？你最多有甚麼高潮？」呂惠卿更指，自己延續熙寧變法，功不可沒，總編輯不保釋呂惠卿是無情涼薄，將會「不得好死」。
總編輯質問呂惠卿生前以「青苗錢」為名強迫農民借貸，苛索窮苦，只是一個害民賊，不是甚麼好人。因為呂惠卿生前僅借極小額青苗錢，擺出一款愛民如子的姿勢，強迫農民借錢，事實上農民借錢後依然青黃不接；但青苗錢卻根本是高利貸，農民一世都要還錢給呂惠卿。他先指「村民唔係咁諗」，又稱：「喂阿哥！果班全部都係反骨仔，我一直借錢畀佢地，佢地做過咩呀，又屈我響辦公室打馬吊？又話我飲醉酒？我唔借畀佢地，佢地邊有錢買青苗呀？我迫佢地借唔使成本呀？屈我同啲村長係狐朋狗黨？我借過畀你，你呢世都要還畀我呀！你自焚啦！你坐監未？」
他高呼：「呂惠卿為民為國，甚至在地獄也繼續吶喊，居然一樣招致鐵窗鎮壓！我不是姓劉！閻王捉錯人判錯監！你居然不為我辯護！你是賤人！你信唔信我叫『車水』畫衰你！」
總編輯召喚獄卒，押走呂惠卿，並提醒獄卒重新檢查名單有否呂惠卿所講之人。