[特稿]
本報編採部日前得蒙天界的鄧麗君( 1953-1995 )小姐光臨。
編採部對鄧小姐來訪感到喜出望外，鄧表示「都係無意之間有晚睇到《墳場新聞》，覺得好有娛樂性，啲野又有啱，好有教育性。」所以到臨與本報編輯交談。鄧麗君稱「香港始終都係我好鍾意的地方。」
不少批評《墳場新聞》的讀者認為本報只識謾罵，並著手搜尋本報陽間員工。記者問及鄧麗君本報是否應噤聲，鄧用其婉約的聲音回應：「宜家收聲都遲咗啦。」並鼓勵本報繼續努力。
記者問及，在1980年時，商人鄭經翰曾安排鄧麗君到匪區表演，但鄧拒絕每場高達10 萬美金的酬勞而不赴演唱。鄧表示：「佢地仍然管治成咁。去都無意思啦。」
至於近日不少歌星前往匪區參與歌唱比賽節目，鄧麗君則認為「很多事情強求不得，順其自然最好。呢啲無辦法架啦，你好難控制佢地去唔去，等佢地自己去發掘，由佢地自己去啦。但我回大陸演唱的那一天，就是三民主義統一中國的那一天。」記者告訴鄧麗君非匪區歌手往往被不公對待，鄧則認為「可能係因為佢地在比山歌，如果比賽山歌，可能我都會落選。」
記者問鄧麗君有甚麼特別希望和現時赴匪區的歌手分享，她用溫柔的聲線稱自己「開始懂得思考，覺得自己不需要唱太多，凡事做到好，唱到好就夠。開演唱會，再開幾十場又如何，馬不停蹄在演唱場地，唱完更空虛。」更表示如果歌唱唱得好，就自然有聽眾，「音樂不是一個商品，根本不需刻意的包裝」。