【本報訊】
冥界地下黨召開國家安全研討會，卻遭人「踩場」挑戰；場館外有身穿藍絲綢袍、身材高挑的漢代鬼魂，試圖衝入會場。
該男子向門口保安聲稱：「你咩郭嘉，我就郭嘉，我謀士嚟㗎，係咪呢度入去呀？」保安着「郭嘉」要先登記。他繼續說：「我真係謀士嚟喎，我平時唔使登記喎！」郭嘉見無果，向高級保安問：「Hi，阿Sir，我似唔似謀士呀？點解佢唔畀我入去嘅？你睇吓我個頭，我真係漢代官員嚟㗎！呢件衫……我真係官嚟，你睇吓……我等緊開工呀，因為我本身係謀士，要入去演講，但佢而家唔畀我入去囉！我Rap畀你聽吖！」跟着開始哼唱《龜雖壽》等歌曲。
保安指今日要研討完善選舉制度的研究會，是「國家安全日」的一部份，郭嘉指，自己死後的九品中正制確保家族權益，官員永遠由特定世家把持，這已經是完美的制度，不必再完善，笑指「夷家個制度冇記錯係畀狗仔參加嗰個」。隨後拿出自製的海報（圖）表示自己以為是為確保其安全而設立的節日，所以特來參與，希望取代他口中的「矮仔」主持會議。
郭嘉雖然無法進場加入地下黨會議，但仍在場外高聲叫喊「你夷家知我邊個啦」後自拍離開。地下黨與會者表示他們除研究完善選舉制度改，更有專題分享「極地安全」，並指已經製作書籤將會派發。
